Семейдің Орыс ұлттық-мәдени орталығы ардагерлердің естеліктеріне негізделген «Еске алу кітабын» әзірлеуде

СЕМЕЙ. Мамырдың 4-і. ҚазАқпарат /Лина Славина/ - Семейдің Орыс ұлттық-мәдени орталығы Ұлы Отан соғысы ардагерлері мен тыл еңбеккерлерінің естеліктеріне негізделген «Еске алу кітабын» әзірлеуде.

«Кітапқа кезінде Ресей Федерациясының Қазақстан Республикасындағы елшілігінің наградаларымен аталып өткен ардагерлер туралы толыққанды мәліметтер кіреді. Олардың қатарында - «Жеңістің 60 жылдығы», «Ленинградтың 250 жылдығы» медальдарымен марапатталғандар, Ленинградты қорғауға атсалысқан ардагерлер, теңіз флотында қызмет еткендер және «Адмирал Кузнецов» медалімен аталып өткендер бар», - дейді орыс ұлттық-мәдени орталығы төрағасының орынбасары Надежда Козырева.

Осыдан бес жыл бұрын Семейде осындай 38 ардагер бар-тын, қазір 23 қана ардагер қалды.