Сенаторлар Парламенттік Ассамблея тұрақты комитеттерінің отырысына қатысады

АСТАНА. 20 қараша. ҚазАқпарат - 21-23 қараша аралығында Қазақстан Парламенті Сенатының депутаттары қазақстандық парламенттік делегацияның құрамында Санкт-Петербургтегі ЕурАзЭҚ, ҰҚШҰ және ТМД Парламенттік Ассамблеялары тұрақты комиссияларының отырыстарына қатысады. Бұл туралы Сенаттың баспасөз қызметінен хабарланды.

Шара аясында «Шыңғыс Айтматов әлемі: ықпалдастық және мәдениеттер диалогы» тақырыбымен халықаралық конференция және «Еуразиялық экономикалық ықпалдастық: қалыптасуы және даму» атты ғылыми форум болады деп күтілуде.