Шетелдік тілшілер елорданың 15 жылдық мерейтойына арналған шараларды тамашалады
Аталған шара елорданың 15 жылдық мерейтойына орай жасалды.
Журналистер құрамына Иордания тарапынан «Роя» телеарнасының тілшісі Май әл-Селауи мен оператор Юсеф әл-Рахахле, «Petra» ұлттық ақпараттық агенттігінің бас редакторы Маулюд Рукайбат, «Nebras» ақпараттық агенттігінің бас редакторы Амин Зиядат, Ирак тарапынан «Altaghier» спутниктік телеарнасының Бас менеджері Али Абедаламир Хассун Казем, операторы Сейф Халиль Хамед, және Ливан тарапынан «NNA» Ұлттық жаңалықтар агенттігінің тілшісі Лилиан Мокбель кірді.
Сапар барысында тілшілер ҚР Парламенті Мәжілісінің депутаты Камал Бұрхановпен, Мәдениет министрінің орынбасары Асқар Бөрібаевпен, Назарбаев Университеті ректорының орынбасары Саймон Джонсонмен және «Kazakh TV» телеарнасының директоры Аниса Бердинамен кездесіп, олардан Қазақстан мен Иордания арасындағы екіжақты қарым-қатынастары туралы және Қазақстанның даму жетістіктері мен болашақ жоспарлары туралы сұхбаттар алды.
Тілшілер тобы «Астана Самалы», «Астана - Арқау», «Ән жүрегім - Астана!», «Шаттық», «Азия жаңғырығы» сияқты фестивальдарды, сондай-ақ Астана күнінің басқа да әлеуметтік, спорттық және ойын-сауық шараларын тамашалап, «Бәйтерек», «Хан Шатыр», «Думан», Әзірет Сұлтан мешіті сынды Астананың көрнекті ғимараттарымен танысты.