ШҚО-да отын ретінде майқарағайды кескен адамға айыппұл салынды

ӨСКЕМЕН. ҚазАқпарат - Глубокое аудандық соты отын ретінде майқарағайды кескен Мало-Убинский орман шаруашылығында жұмыс істейтін Өскемен тұрғынына 25 АЕК көлемінде айыппұл салды, деп хабарлады ҚазАқпарат  табиғатты қорғау прокурорының м.а. Дәулет Рамазановқа сілтеме жасап.

218-ші Волчихинский орман шаруашылығын аумағында арамен жүрген ер адамды рейдтік шаралар кезінде табиғатты қорғау прокуратурасы орман және аң аулау шаруашылығының жедел әрекет ету жасағы байқап қалды.  Белгілі болғандай, құлатылған ағашты ол отын ретінде пайдаланбақ болған. Бақылау ведомствосы қылмыстық іс қозғап, тергеу жүргізген соң істі сотқа жолдады.  Сот өз кезегінде ағаш құлатушыны айыпты деп танып, оған айыппұл салды.