ШҚО-да жылыту маусымы аяқталды

ӨСКЕМЕН. 15 сәуір. ҚазАқпарат - Шығыс Қазақстан облысында жылыту маусымы аяқталды.

Бүгінгі күннен бастап Сөгір ЖЭО Жаңа Сөгір, Радужный және Солнечный кенттерінде жылытуды тоқтатты. Өткен аптаның орта тұсында Өскемен ЖЭО да жылыту маусымын аяқтаған еді.

Өтініштерге сәйкес балабақшаларға, мектептерге, интернат үйлеріне және жылыжай шаруашылықтарына төмен деңгейде жылыту жүйесін қолдануға рұқсат етілген.