ШҚО: Үлбі өзенінде су деңгейі көтерілуде

ӨСКЕМЕН. 2 мамыр. ҚазАқпарат - Гидрометеорология орталығының мәліметінше, бүгін таңертең Үлбі өзенінің Тас карьері тұсындағы бөлігінде судың деңгейі 3,02 метрге жетті, шекті деңгей - 3,8 метр.

Ал Коршун су жинау аумағында ол - 6,2 метрді құрайды, қауіпті деңгей - 8,00 метр.

Еріген қар суы таулардан Шығыс Қазақстанның өзендеріне түсуде. Өңірдегі ТЖД мамандарының айтуынша, су тасқыны жағдайы әзірге тұрақты.