ШҰҒЫЛ: Атырауда ауруханаға ауыр жарақаттармен АҚШ азаматы жеткізілді

АТЫРАУ. 18 қараша. ҚазАқпарат - Атырауда облыстық клиникалық ауруханаға ауыр жарақаттармен АҚШ азаматы жеткізілді.

Облыстық ІІД баспасөз қызметінің басшысы Г.Мұхтарованың сөзіне қарағанда, шетел азаматы түнде қала орталығындағы жолдардың бірінің жиегінен ес-түссіз күйде табылды. Ол бас сүйек-ми жарақаты диагнозымен шұғыл түрде облыстық аурухананың жансақтау бөліміне жеткізілді. Құжаттар бойынша оның аты-жөні мен азаматтығын анықтау мүмкін болды.

«Қазіргі уақытта оқиғаның екі нұсқасы қарастырылуда - жол-көлік оқиғасы немесе шабуыл», - деді Г.Мұхтарова.