ШҰҒЫЛ: Батыс Қазақстанда белгілі спортшылар тұтқындалды

ОРАЛ. 22 сәуір. ҚазАқпарат - Орал қалалық сотының қаулысымен олимпиада резервін даярлау орталығының директоры Қоныс Жетпісов пен допты хокккейден ҚР құрамасының аға бапкері Марат Маңғубаев тұтқындалды.

Облыстық соттың баспасөз қызметінен түскен мәліметке қарағанда, оларға ҚР ҚК 176-бабы бойынша 7,9 млн. теңге бюджеттік қаржыны жымқырған деген айып тағылуда. Бұл қаржы спортшылардың жарыстарға баруы үшін іссапарға жұмсалуы тиіс болатын. Алайда шын мәнінде спортшылар жарысқа бармаған.

Орал қалалық соты тергеу органдарының күдіктілерді он тәулік қамауға алу жөніндегі өтініштерін қанағаттандырды.

Еске сала кетейік, Қ.Жетпісов - самбодан әлем чемпионы, әлем кубогінің иегері. М.Маңғубаев та допты хоккейден белгілі спортшы әрі бапкер, халықаралық дәрежедегі спорт шебері, ҚР еңбек сіңірген жаттықтырушысы.