Шымкент сауда-логистикалық орталығы 4 жобаны жүзеге асыруда

АСТАНА. ҚазАқпарат - Шымкент сауда-логистикалық орталығында 18,9 млрд. теңгенің жобалары жүзеге асырылуда. Барлығы 92 гектар аумақта 4 жоба іске асырылып жатыр. Жылдың соңына дейін оның үшеуі іске қосылады, деп хабарлады mediatv.kz.

Бұдан басқа биылдың өзінде жалпы ауданы 43,3 мың шаршыметрлік 11 қойма пайдалануға берілмек. «Бұл орталықты уақытында атқару керек, - деді облыс әкімі Асқар Мырзахметов. - Бұл орталық біздің әлемдік нарыққа шығуымызға мүмкіндік береді, өйткені біз ауыл шаруашылығына бағдарланған өңірміз ғой».

Сауда-логистикалық орталық құрылысы мыңнан астам жұмыс орындарын ашуға мүмкіндік береді. Ол сондай-ақ жылына 700 мың тонна өнімді экспорттайды. Қазіргі кезде «Бизнестің жол картасы - 2020» бағдарламасы бойынша 1,5 млрд. теңгенің инфрақұрылым құрылыстары жүргізіліп жатыр. Сауда-логистикалық орталыққа «Батыс Еуропа-Батыс )ытай» күрежолымен қосылатын жол, ұзындығы 0,7 шақырымдық теміржол тұйығы, қуаты 10 кВт электр стансасы салынады, газ бен су тартылуда.

2016 жылға дейін сауда-логистикалық орталықта 8 жоба іске қосылады, оған 24 млрд. теңге инвестиция тартылмақ.