Шымкенттің 105 тұрғыны қоныс тойын тойлады

ШЫМКЕНТ. 9 шілде. ҚазАқпарат - Астана күні мерекесіне орай Шымкенттің 105 тұрғыны жаңа пәтер кілттеріне ие болды.

Алдымен баспананың кілттері Ұлы Отан соғысының ардагерлеріне табысталды. Қоныс тойын тойлайтындардың арасында Ауған соғысының ардагерлері де бар. Кей отбасылар осынау қуанышты сәтті 25 жыл бойы күткен.

Айта кетер жайт, бүгінде 8 658 адам жалдамалы пәтер кезегінде тұр.