Шыңғырлауда белгілі боксшы Е.Ешекеновті еске алуға арналған халықаралық турнир өткізілді - БҚО

ОРАЛ. 4 шілде. ҚазАқпарат - Шыңғырлау ауданында өмірден ерте кеткен боксшы, КСРО спорт шебері Еділ Ешекеновті еске алуға арналған халықаралық дәстүрлі турнир өткізілді.

Осымен жиырма бірінші рет ұйымдастырылған жарысқа Алматы, Ақтау, Атырау, Құлсары, Ақтөбе, Оралдан, БҚО аудандарынан, сондай-ақ Ресейдің Орск, Орынбор, Соль-Илецк, Салауат (Башқұртстан), Ижевск (Удмуртия) қалаларынан 17 команда қатысты. Боксшылар төрт жас ерекшеліктеріне қарай 12 салмақ дәрежесінде шаршы алаңға шықты. 2001-2002 жылғы балалар арасында шыңғырлаулық Илья Киселев, Ақжайық ауданынан Армат Маратов, 1999-2000 жылғылардан Манарбек Молдағалиев пен Әлішер Бұланаев (екеуі де Ақжайық ауданынан), Абай Тұралиев (Орал), Мұрадым Қанатов (Зеленов), Жандос Қуанышев (Шыңғырлау), 1997-1998 жылғылардан Қанат Меңжанов пен Әлібек Көзбаев (екеуі де Шыңғырлаудан), Данат Қарымсақ (Атырау), Иван Матыцин (Орск), 1995-1996 жылғылардан Азиз Тажиев (Салауат), Рафис Бикитеев пен Эрик Сағындықов (екеуі де Шыңғырлаудан) жеңімпаз атанды. Барлық жүлдегерлер медаль-дипломдармен марапатталды. Аудан әкімінің арнайы жүлдесін кезінде Еділ Ешекеновтің салмағы болған 46 келіде үздік шыққан Әлібек Көзбаев иеленді.