СҚО әкімі көктемгі егіс науқанын өз бақылауына алды

ПЕТРОПАВЛ. ҚазАқпарат - Ғабит Мүсірепов атындағы ауданға жасаған жұмыс сапарының барысында Солтүстік Қазақстан облысының әкімі Ерік Сұлтанов көктемгі егістік жұмыстарының барысымен танысты. Биылғы егістік науқаны қолайсыз ауа райында басталды, деп хабарлады облыстық әкімдіктің баспасөз қызметінен.

Аудан әкімі Владимир Дудовтың айтуынша, жұмыстарды жүргізуге барлығы дайын тұқымның жеткілікті мөлшері сатып алынды (шамамен 80 мың тонна), соның 29 пайызы - бірінші сұрыпты тұқым. Жанар-жағармаймен қамтамасыз ету 93 пайызды құрап отыр. Аймақ басшысы аудан әкіміне 2014 жылы отынды жеткізу мәселесінде қиындықтар болғанын айтты. «Биыл сондай жағдай қайталанбауы керек», - деп атап өтті Ерік Сұлтанов.

Көктемгі егістік жұмыстарын дайындық пен ағымдағы жылға белгілеп қойған жоспарларымен аудандағы агроқұрылымдардың басшылары айтып берді. Олардың арасында ірі құрылым - «Тұқым» ЖШС. Компанияның иелігінде 56 мың га жер бар. Серіктестіктің басшысы Николай Кадунның айтуынша, егістік науқанына кірісуге жаңбырлы күн райы кедергі болып отыр.

Агроқұрылымдардың басшыларымен кездесудің соңында СҚО-ның әкімі көктемгі егістік жұмыстарының табысты өтетінінен үмітті екенін айтты. Бұдан басқа, аймақ басшысы жұмыскерлердің жалақысы лайықты деңгейде қалуы тиіс екенін ескертті.