Солтүстік Қазақстанның Аққайың ауданында табиғи өрт ошақтарын жою жөніндегі жаттығу өтеді

ПЕТРОПАВЛ. Тамыздың 13-і. ҚазАқпарат /Сергей Кузнецов/ - Солтүстік Қазақстан облысының Аққайың ауданындағы Астраханка ауылында және ауылдың іргесінде табиғи өрт ошақтары мен облыстың ауылдық жерлеріндегі өрт ошақтарын сөндіру жөніндегі тактикалық жаттығу өтеді.

Жергілікті атқарушы органдардың, апаттық-құтқару қызметтер мен өрт сөндіруші құрылымдардың өзара іс-әрекеттерін, өрт ошақтарын сөндіру кезіндегі тәжірибелік іс-қимылдарды тексеруді мақсат етіп отырған жаттығу облыс әкімі Серік Біләловтың және Төтенше жағдайлар вице-министрі генерал-майор Валерий Петровтың қатысуымен өтеді.