Суматрада шамалы зерттелген ауруға 17 мың адам ұшырады

АСТАНА. Наурыздың 3-і. ҚазАқпарат - Индонезияның оңтүстігіндегі Суматра аралының Лампунг провинциясында 2010 жылдың алғашқы екі айында шамалы зерттелген жұқпалы чикунгунье ауруларына ұшыраған адамдардың саны 17 мың 370-ке жетті,

деп хабарлады ресейлік «Жаңалықтар» агенттігі.

Бұдан екі апта бұрын жергілікті өкімет орындары Лампунг провинциясының Сидомульо қаласында төтенше жағдай режімін жариялаған болатын. Мұнда осы індетке 420-ға тарта тұрғын тап болды.

Ойда жоқта пайда болған індетке Тангумас ауданда 4 мың 670 адам шалдықты. Одан кейін 2805 сырқатпен Песаваран ауданы тұр.

Бұл ауру әсіресе плантация өсірілетін аймақта белсенді таралып отыр, өйткені оны тарататын маса плантация арасында өмір сүреді. Аурудың белгілері - безгек сияқты денені қалшылдатады. Денсаулық сақтау ұйымдары тұрғындардың тоғандарды тазартып, түнде бетпердемен қорғануына кеңес беруде.