Т.Мұсабаев Ресей жаратылыстану ғылымдары академиясы академигі ғылыми атағына ие болды

АСТАНА. Ақпанның 26-сы. ҚазАқпарат /Сара Қабиқызы/ - Талғат Мұсабаев Ресей жаратылыстану ғылымдары академиясы академигі ғылыми атағына және Халықаралық ғарышкерлікке қолдау көрсету қоғамдық қайырымдылық қорының «Ғарышкерлікке сіңірген еңбегі үшін» медаліне ие болды.

Халық Қаһарманы, Ресей Батыры, ұшқыш-ғарышкер, авиация генерал-лейтенанты, ҚР Ұлттық ғарыш агенттігінің төрағасы Талғат Мұсабаев «Ресей жаратылыстану ғылымдары академиясының толық мүшесі» дипломын, Ресей жаратылыс ғылымдары академиясының академигі куәлігін және Ресей ғалымы В.И.Вернадский бейнесі белгіленген алтын кеуде белгісін тапсыру рәсімі 2010 жылғы ақпанның 25-інде Ресей жаратылыстану ғылымдары академиясының халықаралық конференциясының аясында өтті.

Сонымен қатар, Т.Мұсабаев «Ғарышкерлікке сіңірген еңбегі үшін» медалімен марапатталды.