Таэквондошы Батырхан Төлеуғали Қытайдағы турнирдің жартылай финалына шықты

АСТАНА. KAZINFORM - Батырхан Төлеуғали таэквондодан Тайаньдағы лицензиялық турнирдің жартылай финалына шықты.

Ұлттық олимпиадалық комитеттің баспасөз қызметі хабарлағандай, 80 келіге дейінгі салмақта сынға түскен ол үндістандық спортшыны айқын басымдықпен жеңді.

Қазақстандық спортшы жартылай финалда Сауд Арабиясының өкілімен Париж жолдамасын сарапқа салады.