Тараптар мүдделі бағыттар бойынша ынтымақтастықты тереңдетуге ниет білдірді

АСТАНА. 16 сәуір. ҚазАқпарат. Президент көмекшісі - Қауіпсіздік Кеңесінің хатшысы Марат Тәжин Үндістанның Премьер-Министрі Манмохан Сингхтың Қазақстанға жасаған ресми сапары аясында Үндістан Премьер-Министрінің ұлттық қауіпсіздік жөніндегі кеңесшісі Шив Шанкар Менонмен кездесу өткізді.

Әңгіме барысында тараптар өңірлік қауіпсіздік мәселелері жөнінде пікірлер алмасып, қолда бар екі және көп жақты өзара іс-қимыл тетіктерін пайдаланып мүдделі бағыттар бойынша ынтымақтастықты тереңдетуге ниет білдірді.