Тараз металлургиялық зауытында жұмысшы 15 метр биіктіктен құлады

ТАРАЗ. 15 наурыз. ҚазАқпарат - Тараз металлургиялық зауытында жұмысшы 15 метр биіктіктен құлап кетті.

Бұл туралы Жамбыл облыстық ТЖД-ның баспасөз қызметінен хабарлады.

Төтенше оқиға 13 наурыз күні түс ауа «Тараз металлургиялық зауыты» ЖШС-ның аумағында №8 цех галереясын қайта монтаждау барысында орын алды. 15 метр биіктіктен «запчать» АҚ мердігерлік ұйымының жұмысшысы құлап кетіп, түрлі дәрежедегі жарақаттар алды.

Жамбыл облыстық Еңбек және халықты әлеуметтік қорғау департаменті оқиғаны арнайы тексеру жөніндегі комиссия құрды.