Таразда Жамбыл және Шығыс Қазақстан облыстары өндірістік тауарларының таныстырылымы өтті
Шығыс Қазақстан облысының делегациясын аймақ әкімі Бердібек Сапарбаев бастап келді. Жамбыл облысынан «Қазфосфат», «Тараз металлургия зауыты», «Тараз былғары аяқ-киім», «Жамбыл Құс», «Айвенго», «Астана-Самсон», «Жамбылгипс» және т.б. кәсіпорындар өнімдерін ұсынды. Шығыс Қазақстан облысы кәсіпорындарының қатарында - «АЗИЯ АВТО», «КЭМОНТ», «Ертістрансойл», «Шығыс әмбебап», «Бастау-1», «Қатонқарағай бұғы паркі», «Daewoo Bus Kazakhstan», «Kaz-Kor NuTech Company болды.
«Қазақстанның даму қарқыны бүгінгі күнді сеніммен қабылдауға және келешекке сеніммен қарауға мүмкіндік береді», - деді Жамбыл облысының әкімі Бөрібай Жексембин өзінің сөзінде.
Таныстырылым барысында Жамбыл және Шығыс Қазақстан облыстары әкімдіктері арасында өзара ынтымақтастық туралы меморандумға қол қойылды.