Тараздың орталығында ірі көлік апаты болды - қалааралық автобус жүк машинасына соқтығысты

ТАРАЗ. Наурыздың 31-і. ҚазАқпарат /Галина Скрипник/ - Таразда бүгін түнде болған ірі жол-көлік оқиғасының мән-жайы тексерілуде.

Облыс ІІД жол полициясы басқармасының аға инспекторы Абзал Шірімбековтің хабарлауынша, қаларалық шымкенттік нөмірлі «Ван-холл» автобусы Тараз қаласының орталығында Жамбыл даңғылымен жүріп келе жатқан. «Жол айрығында автобус «Ауди-100» машинасын жанап өтіп, жеңіл машинамен соқтығыспау үшін бұрылғанда, «Скания» тіркемелі жүк машинасына соқтығысқан», деп түсіндірді инспектор.

Апат салдарынан «Ван-холл» автобусының жүргізушісі мерт болды, автобустағы екі жолаушы жарақат алды.

Алдын ала мәліметтер бойынша, «Ван-холл» жүргізушісі бағдаршамның қызыл дабылына мән бермеген.