Тәркіленген жарылғыш заттар жойылды

БАТЫС ҚАЗАҚСТАН ОБЛЫСЫ. Қыркүйектің 7-сі. ҚазАқпарат - Батыс Қазақстан облысының Ішкі істер департаменті тәркіленген, табылған және заттай дәлелденген жарылғыш заттарды жоюды жүзеге асырды, деп хабарлайды ІІД баспасөз қызметі.

ІІД «Арлан» арнайы мақсаттағы бөлініс жауынгерлері тылмен қамтамасыз ету басқармасының қызметкерлерімен бірлесіп, ҚР ІІМ «Сұңқар» ішкі әскері полигонының териториясында тротил, аммонит, салмағы 20 киләдан жоғары болатын «Рентекс» және 35 дана граната мен ВОГ-25 жеті атылғышын жою жұмыстарын жүргізді.