Ташкентте Қазақстан-Өзбекстан үкіметаралық комиссиясының кезекті отырысына дайындық мәселелері талқыланды

ТАШКЕНТ. 23 қазан. ҚазАқпарат - ҚР-ның Өзбекстандағы Төтенше және Өкілетті Елшісі Бөрібай Жексембин ӨР-ның Сыртқы істер министрлігінде кездесу өткізді, деп хабарлады қазақстандық дипломатиялық өкілдіктің баспасөз қызметінен.

Кездесу барысында тараптар Қазақстан мен Өзбекстанның екіжақты ынтымактастығы бойынша үкіметаралық комиссияның алдағы 12-ші отырысына дайындық мәселелерін талқылады. Сондай-ақ қос мемлекеттің де мүддесіне сай келетін екіжақты өзара ықпалдастық мәселелері қаралды, деп хабарлады ҚР-ның Өзбекстандағы Елшілігінен.