Ташкентте ШЫҰ Өңірлік лаңкестікке қарсы құрылымы кеңесінің мәжілісі басталды

АШКЕНТ. Сәуірдің 2-сі. ҚазАқпарат /Құрмат Самархан/ - Өзбекстанның елордасында Шанхай ынтымақтастық ұйымы Өңірлік лаңкестікке қарсы құрылым кеңесінің XVI мәжілісі өз жұмысын бастады.

Кеңеске төрағалық етуші Қазақстан Ұлттық қауіпсіздік комитеті төрағасының орынбасары генерал-майор Жанат Жарасов мәжілісті ашқан сөзінде, наурыздың 29-ында Мәскеуде және наурыздың 31-інде Кизлярда болған оқиғаларға орай құрылымның атынан Ресей делегациясына көңіл айтты. Жиынға қатысушылар лаңкестік құрбандарын бір минуттық үнсіздікпен еске алды.

Ж.Жарасов сондай-ақ жиынға қатысушы елдердің өкілдеріне Өңірлік лаңкестікке қарсы құрылымның Атқарушы комитетінің жаңадан тағаындалған директоры Жеңісбек Жұманбековты және оның орынбасарларын таныстырып өтті.

Мәжіліске ШЫҰ Бас хатшысы Мұратбек Иманәлиев те қатысуда.