Тасқала аудандық театры аймақтық фестивальдан бірінші орынды иеленді

ОРАЛ. 25 сәуір. ҚазАқпарат - Тасқала аудандық халық театры Т.Ахтановтың 90 жылдығына орай Ақтөбе қаласында өткен «Театр - өнердің ұлы көші» атты халық театрларының VIII аймақтық фестиваліне қатысып, бірінші орынмен оралды.

Өңірге өнерімен танымал Тасқала театры И.Сапарбай­дың «Сыған серенадасы» мюзиклін сахналаған.

Республикалық деңгейдегі өнер додасынан олжалы оралған ұжымды аудан әкімі Қуат Мусин қабылдап, құрмет көрсетті. Оның атап өткеніндей, театрға шы­­ғар­машылық жұмыспен ай­на­­лы­­суына толық жағдай жасал­ған. Өнерге деген қамқорлық алда­ғы уақытта да әлсіремей­тін болады.

Сонымен бірге байқауда театр режиссері Ботагөз Сәрсе­нова «Ең үздік әйел рөлі» аталымын иеленді.

Тасқала театры 2006 жылы халық театрларының облыс­тық фестивалінде Б.Мұқайдың «Заманақыр» спектаклін сәтті сахналап, халық театры атан­ған еді. Бүгінде театр қоржы­нында 10-нан астам спектакль бар.