Тасқалада Кеңес Одағының Батыры С.Жақсығұловты еске алуға арналған қазақ күресінен халықаралық жарыс мәреге жетті

ОРАЛ. Мамырдың 5-і. ҚазАқпарат /Елжан Ералы/ - БҚО-ның Тасқала ауданы орталығында Кеңес Одағының Батыры Садық Жақсығұловты еске алуға арналған қазақ күресінен халықаралық жарыс мәреге жетті,

деп хабарлайды ҚазАқпарат тілшісі.

Осымен 35-інші рет ұйымдастырылып отырған турнир биыл халықаралық сипат алып, қазақ күресінің бәсекесіне Қазақстан облыстары ғана емес, Ресей, Өзбекстаннан келген палуандар да қатысты. Барлық салмақ дәрежелері бойынша жеңімпаз-жүлдегерлер дипломдармен, сыйлықтармен марапатталды. Ал батысқазақстандық белгілі спортшы Еділ Үсенов биыл да «түйе палуан» атанып, оған «темір тұлпардың» кілті табыс етілді.