Татарстанның Премьер-Министрі Алматы облысына жұмыс сапарымен келді

ТАЛДЫҚОРҒАН. Желтоқсанның   26-сы.  ҚазАқпарат /Сандуғаш  Дүйсенова/ -   Бүгін Алматы  облысына біркүндік  жұмыс сапарымен  Татарстан Республикасының Премьер-Министрі   Рустам Миниханов келді. Бұл туралы    облыс әкімінің баспасөз қызметінен  хабарлады.

Татарстанның Премьер-Министрі  сапар  барысында    «Қорғас»  Халықаралық  шекара ынтымақтастығы орталығының     жұмысымен  танысады.  Сондай-ақ,   премьердің  Астанада   Қазақстанның Үкімет басшысы Кәрім Мәсімовпен  кездесуі   жоспарлануда.

Татарстанның     премьері    «Қорғас»  орталығының  қазақстандық және қытайлық    бөлігінде  болып,     орталықтың даму перспективаларымен,     құрылысқа  Татарстан   кәсіпкерлерінің        инвестиция салу мүмкіндіктерімен  танысады.