Теміртауда ұсталған радиоактивті жүк тиелген вагон жөнелтушіге қайтарылады

ҚАРАҒАНДЫ.  Қазанның  28-і. ҚазАқпарат /Валентина Елизарова/ -Сейсенбі күні   Теміртауда,  «АрселорМиттал Теміртау» акционерлік  қоғамы цехының   стансысында   ұсталған  және радиоактивті  темір сынықтары  тиелген    вагон   Ақмола  облысындағы жөнелтуші компанияға - «Союз-М-2»  компаниясына  қайтарылады,

деп   хабарлады ҚазАқпарат тілшісіне    Қарағанды  облысының  Төтенше жағдайлар  жөніндегі  департаментінен.

 Жүктің    гамма-көрсеткішінің  деңгейі  60 микрорентгент/сағатты  құрайды, бұл    шамадан  екі  есеге    жоғары,  деп     хабарлады  департаменттен.   Жағдай  мемлекеттік  санитарлық-эпидемиологиялық қадағалау    қызметінің бақылауында.

 Сейсенбі,  қазанның 27-де, «АрселорМиттал Теміртау» акционерлік  қоғамы цехының   стансысында     радиациялық бақылаудан  өту  кезінде     радиациялық   жүк тиелген  вагон анықталып,    оның  күзетке алынғанын   ҚазАқпарат бұдан  бұрын хабарлаған болатын.