Теміржолшылар ардагерлерге сый-құрмет көрсетті

ҚЫЗЫЛОРДА. Мамырдың 5-сі. Қаз Ақпарат /Руслан Игілік/ - Ұлы Жеңістің 65 жыл­ды­ғы қар­саңында аймағы­мыз­дағы барлық сала өкіл­дері соғыс ар­дагерлеріне арнайы сый-құрмет көрсетуде.

Осын­дай игі шараны Қызыл­орда теміржол бөлім­шесі әкім­ші­лігі теміржол­шылар кәсіби одағы филиалымен бірлесе отырып жасады. Сөйтіп, «Қазақстан темір жолы» Ұлттық компания­сының есебінен өңірдегі 56 соғыс арда­геріне - 30 мың теңгеден, ал тыл ардагерлеріне 10 мың тең­геден ақшалай сыйлық тапсырылды.

Сондай-ақ теміржол мекеме­лерінің басшылы­ғы ардагерлердің тұрғын үйлерін күрделі жөн­деуден өткізуге, ауызсу мен жылу құбыр­ла­рын үй­ге кіргізуге және оларды жаң­ар­туға көмек көр­сетуде. Оған қоса ардагерлерге түрлі-түсті теле­ди­дар, мүгедектерге арналған арба, есту аппарат­тары және байла­ныс телефон­дары сыйға тартылды.

Осындай марапатқа ие болған­дар­дың бірі қала тұрғыны, еңбек ардагері Өтеубай Ор­дабаев Ұлы Жеңіс­тің 65 жылдығы қар­са­ңын­да арда­гер­лерге жа­салып жат­қан ерекше құрмет үшін Қызыл­орда жол бөлім­шесінің дирек­торы Съезбек Әлішевке шек­сіз алғысын білдірді. Ол «Рем­пассажир­вагон-1» ЖШС-нің әкім­шілігі тізімде тұрған арда­гердің тұрғын үйін жөндеуден өткізіп бергені үшін дән риза.