Тереңөзек кентінде «Нұр­бөбек» балабақшасы ашылды

ҚЫЗЫЛОРДА. Наурыздың 3-і. ҚазАқпарат (Руслан Игілік) - Сырдария ауданының орталығы - Тереңөзек кентінде «Нұр­бөбек» балабақшасы бүлдіршіндерге есігін айқара ашты,

деп хабарлайды ҚазАқпарат тілшісі.

Бұл ескі нысанды мемлекет меншігіне сатып алып, қайта жөндеуден өткізу арқылы жүзеге асырылды. Бос тұрған нысанды алуға об­лыстық бюджеттен 5,7 млн. теңге бөлінсе, жобалау-сметалық құжат­тарды да­йындауға аудандық бюд­жеттен 2,9 млн. теңге қаралған бо­латын. Ғимаратты күрделі жөндеуден өткізген «Престол» жауапкершілігі шектеулі серіктестігі жергілікті бюджеттен бөлінген 50 млн. теңгені толық игерді. Екі топқа лайық­талған 50 орындық балабақша талапқа сай жабдықталған.