Тілдерді дамытудың 2011-2020 жылдарға арналған мемлекеттік бағдарламасы талқыланды - Шымкент
Жиынға ҚР Мәдениет министрлігі Тіл комитетінің төрағасы Бауыржан Омаров, «Руханият» тіл орталығының, Астана, Оңтүстік Қазақстан облысы әкімдіктерінің өкілдері қатысты.
«Талқылауға біз сондай-ақ «Нұр Отанның» облыстық филиалының өкілдерін, шенеуніктерді, облыстық ономастикалық комиссияның мүшелерін, білім үздіктерін, тілтанушы ғалымдарды, жоғары оқу орындарының басшыларын, білім саласының қызметкерлерін, үкіметтік емес ұйымдардың өкілдерін шақырдық»,- деп хабарлады облыстық әкімдіктің баспасөз қызметінен.
Тіл саясатына қатысты бұл отырыста ғалымдардың, тіл мамандарының тарапынан түрлі ұсыныс-кеңестер айтылды. Лингвистикалық кеңістікті дамыту жөніндегі аймақтық тәжірибеге талдау жасалды.