ТМД елдерінде сыбайлас жемқорлыққа қарсы күресудегі ынтымақтастық туралы келісімнің жобасы мақұлданды

САНКТ-ПЕТЕРБОР. Маусымның 4-і. ҚазАқпарат /Елена Мягкова/ - Тәуелсіз Мемлекеттер Достастығының сарапшылар тобы Сыбайлас жемқорлыққа қарсы күресудегі ынтымақтастық туралы келісімнің жобасын мақұлдады.

Бұл жоба ТМД Даму тұжырымдамасын жүзеге асыру жөніндегі негізгі іс-шараларының жоспары мен Қылмыспен күресу жөніндегі бірлескен шаралардың 2008-2010 жылдарға арналған мемлекетаралық бағдарламасын орындау мақсатында әзірленіп отыр, деп хабарлады ҚазАқпаратқа Достастықтың Атқарушы комитетінен. Құжатта ынтымақтастықтың мақсаттары мен міндеттері, құжат аясында атқарылатын жұмыстардың бағыт-бағдарлары, нормативтік-құқықтық базаны қалыптастырудың қағидалары, ақпараттар алмасу мен сауалдарды орындаудың жолдары, сондай-ақ сыбайлас жемқорлық жолымен алынған табыстарды тәркілеу мәселелері көрсетілген.