Тұңғыш Президент күні - бұл Қазақстан халқын топтастыруға шақыратын маңызды қоғамдық-саяси оқиға - Д.Мыңбай
Бұл пікірді бүгін елордадағы Тәуелсіздік сарайында өтіп жатқан V Жалпыұлттық Қазақстан патриоттарының форумында сөз сөйлеген ҚР Мәдениет және ақпарат министрі Д.Мыңбай білдірді.
«Бүгінгі күндегі біздің басты игілігіміз - алуан түрлі этникалық қоғамдағы бейбітшілігіміз. Толерантты қазақстандық қоғамның мызғымас құқықтық және адамгершілік негіздерін қалаған тұрақтылық кепілі біздің Тұңғыш Президент болып табылады. Демек, Тұңғыш Президент күні - бұл Қазақстан халқын топтастыруға шақыратын маңызды қоғамдық-саяси оқиға»,- деді ол.
Министрдің пайымынша, бұл мереке ұлттың, бірінші кезекте жастардың назарын бірлікті сақтау қажеттілігіне аудартуы тиіс.
«Бүгінде Тұңғыш Президент қазақстандықтардың кез-келген қиындықтарды жеңу символы», - деді Д.Мыңбай.