Түркістанда мұражайдың төбе жабындысы жанып кетті

АСТАНА. 5 қаңтар. ҚазАқпарат - 4 қаңтарда Оңтүстік Қазақстан облысының Түркістан қаласында сағат 18-ден 17 минут кеткенде Нұртас Оңдасынов атындағы мұражайдың  төбе жабандысы өртке оранды.

Бұл туралы ТЖМ-нің баспасөз қызметі хабарлады.

 Өрт 21 сағат 12 минутта сөндірілді.

 Жалынды ауыздықтауға Оңтүстік Қазақстан облысының ТЖД 52 адамнан тұратын арнайы құрамы мен өрт сөндіру қызметінің 7 техникасы жұмылдырылды.

Тілсіз жаудың  шарпыған аумағы 650 шаршы метрді құрады. Қаза болғандар мен зардап шеккендер жоқ.