Тұтқынға алынған жапондық тілшінің жаңа суреті пайда болды

АСТАНА. ҚазАқпарат - Ғаламторда «Әл-Каида» содырлары тұтқынға алған жапондық тілшінің жаңа суреті пайда болды. Онда ер адамның қолындағы қағазда «Өтінемін, көмектесіңдер! Бұл - менің соңғы мүмкіндігім» деп жазылған, деп хабарлайды 24.kz.

Күншығыс елінің Сыртқы істер министрлігі оның Дзюмпей Ясуда екенін растап отыр. Жапон азаматы өткен жылдың жазында Сирияда тұтқынға алынған еді. Тілші онда әріптестері жайлы материал жазуға барған болатын.