ТЖМ мемлекеттік сатып алу кезінде толықтай отандық өнімдерге басымдық береді ? интернет-конференция

АСТАНА. Маусымның 2-сі. ҚазАқпарат /Жасұлан Аманбайұлы/ - Төтенше жағдайлар министрлігі елдегі өндірушілерді қолдау және қазақстандық мөлшерді арттыру мақсатында мемлекеттік сатып алу кезінде толықтай отандық өнімдерге басымдық береді.

Бүгін Үкімет сайтында бұл туралы ведомствоның қатысуымен өтіп жатқан интернет-конференциясында мәлімделді, деп хабарлайды ҚазАқпарат.Қазақстандық кәсіпорындарға қолдау жасау мақсатында биыл ақпанның 25-інде Төтенше жағдайлар министрлігі, Ақмола облысының әкімдігі және 8 отандық өндіруші компания үш жақты меморандумға қол қойған болатын. Компаниялардың ішінде «КамАЗ-инжиниринг», «Тыныс», «Электрокабель» зауыты, «Азия электрик» сауда үйі сияқты ірі өнім жеткізушілер бар.Интернет-конференцияда көрсетілген деректерге сай, Ақмола облысының ең ірі кәсіпорындарының бірі «КамАЗ-инжиниринг» пен министрлік арасында жалпы құны 36 390 000 теңге болатын апаттық-құтқару техникаларын және жол талғамайтын жүк көліктерін жеткізіп беру жөнінде келісімшартқа қол қойылған.