Үкімет жанындағы Дағдарысқа қарсы кеңестің кезекті отырысы өтті

АСТАНА. Маусымның 4-і. ҚазАқпарат. Бүгін Үкімет үйінде Қазақстан Республикасының Премьер-Министрі Кәрім Мәсімовтің төрағалығымен Үкімет жанындағы Дағдарысқа қарсы кеңестің кезекті отырысы өтті,

деп хабарлайды ҚазАқпарат Үкіметтің баспасөз қызметіне сілтеме жасап.Отырыста экономиканы тұрақтандыру жөніндегі шараларды іске асыруға қатысты бірқатар мәселелер талқыланды.Кеңес мүшелері Қазақстан Республикасы Парламенті Мәжілісінің депутаттары ұсынған «Жеке кәсіпкерлік мәселелері бойынша Қазақстан Республикасының кейбір заң актілеріне өзгертулер мен толықтырулар енгізу туралы» ҚР Заңына түзетулерге қатысты мәселелерді қарады.