Волейболдан Қазақстан чемпионатының келесі туры Қызылордада өтеді

ҚЫЗЫЛОРДА. 15 ақпан. ҚазАқпарат /Жаңагүл Сердалы/ - Волейболдан Қазақстанның ерлер командалары арасындағы чемпионаты жоғары лигасы «Б» тобының кезекті үшінші айналымының ойындары алдағы 20-28 ақпан күндері Қызылорда қаласында өтеді.

Облыстық туризм және спорт басқармасының баспасөз хатшысы Лаура Шоңғалованың сөзіне қарағанда, бұл турда Астана, Қостанай, Семей, Тараз, Өскемен, Қызылорда қалалары мен Қарағанды, Ақтөбе, облыстарынан келетін 8 команда қатысады. Олардың құрамында 112 спортшы ойнайды.

Бұған дейін біріншіліктің бірінші айналымы Тараз қаласында өтсе, екінші айналымы Өскемен қаласында өткізілген. Ал төртінші айналымы наурыз айында Қарағанды қаласында өтеді.