Жаңаөзендегі құрылыс жұмыстарына 1000-нан астам адам жұмылдырылған

АСТАНА. 31 желтоқсан. ҚазАқпарат - Жаңаөзен қаласындағы қалпына келтіру және құрылыс жұмыстарына 1000-нан астам адам жұмылдырылған.

Бұл туралы pm.kz сайтына ҚР Құрылыс және тұрғын үй-коммуналдық шаруашылық істері жөніндегі агенттік төрағасының орынбасары, үкіметтік комиссия мүшесі Николай Тихонюк мәлім етті.

«Зардап шеккен 46 нысанның төртеуі мемлекеттік нысан. Бүгінгі таңда ең көп зардап шеккен әкімдік ғимараты, нысанды қалпына келтіу жұмыстарына 115 адам жұмылдырылған. Кесте құрылып, мердігер ұйымдар анықталды», - деп мәлім етті агенттік төрағасының орынбасары.