Женевада «Назарбаев орталығы» мен АТОМ Жобасының тұсаукесері өтеді

АСТАНА. 16 қараша. ҚазАқпарат - 2012 жылдың 19 қарашасында Женевада «Назарбаев орталығы» мен АТОМ Жобасының тұсаукесері өтеді. Бұл туралы «Назарбаев орталығының» баспасөз қызметі хабарлады.

«Назарбаев орталығы» қызметін таныстыратын тұсаукесерде ҚР Президенті жанындағы Жаппай қырып-жою қаруын таратпау комиссиясының төрағасы, «Назарбаев орталығы» директоры Қанат Саудабаев сөз сөйлейді деп жоспарланған. 

Дәл сол күні АТОМ Жобасы аясында БҰҰ Ұлттар Сарайының Көрме залында «Әлемге сабақ: Қазақстандағы кеңестік ядролық бағдарламаны бөлшектеу тарихы» фотокөрмесі және «Менің сіздерді құшақтайтын жүрегім ғана бар: Кәріпбек Күйіков шығармашылығы» атты сурет көрмесінің ашылу рәсімі өтеді.