Жол полициясы инспекторы жүргізуші куәлігін 50 мың теңгеге жасап беруді уәде еткен

ПАВЛОДАР. 15 сәуір. ҚазАқпарат - Павлодардың қаржы полицейлері алаяқтық фактісі бойынша ІІД жол полициясы инспекторының үстінен қылмыстық іс қозғады.

Бұл туралы Экономикалық қылмысқа және сыбайлас жемқорлыққа қарсы күрес департаментінің баспасөз қызметінен хабарлады.

Лауазымды тұлға бола тұра, өзінің қызметтік бабын пайдаланып, іс жүзінде оқымастан автомектепті аяқтағандығы туралы «куәлікті беру», сондай-ақ одан әрі жүргізуші куәлігін еш кедергісіз алып беру үшін азаматтан алдау жолымен 50 мың теңге алған. Бұл енді азаматтың қаражатын жымқыру ретінде қарастырылып отыр.