«Жүрек жылуы» акциясының ұйымдас­тырылуы туралы баспасөз мәслихаты өткізілді

ҚЫЗЫЛОРДА.  Желтоқсанның 28-і. ҚазАқпарат (Руслан Игілік) - Өткен сәрсенбі күні облыстық бас­пасөз орталығында облыс әкімінің бастамасымен өткен «Жүрек жылуы» қайырымдылық акциясының ұйымдас­тырылуы туралы баспасөз мәслихаты өткізілді,

 деп хабарлайды ҚазАқпарат тілшісі.

Оған акцияны ұйымдастыру комис­сиясының мүшелері қатысты.

А.Тоқмағамбетов атындағы мәде­ниет орталы­ғында өткен қайырымдылық шарасына Қызылорда қаласындағы ұйымдар, кәсіпорындар, түрлі мекеме қызметкерлері мен жекелеген азаматтар қатысты. Акция барысында «ҚазГер­Мұнай» жауапкершілігі шектеулі серік­тестігі 5 млн., «Дорстрой» ЖШС - 1 млн., «Қыран» ЖШС 1 млн. теңге көлемінде қаржы аударғаны мәлім болды. Сондай-ақ қала әкімдігі 800 мың, облыстық денсаулық сақтау саласы - 500 мың, мәдениет саласы қызметкерлері 415 мың теңге қаражат түсірді. «Игілік» корпо­ративтік қорының директоры Ақтолқын Шере­ханның мәлімдеуінше, қор есебіне түскен нақты қаражат көлемі 6 млн. 798 мың теңгені құрайды. Жалпы акция барысында түскен қаржылай жәрдем - 12 млн. 897 мың теңге.