Журналистер конкурсының тақырыбы: «Әйелдердің Мемлекет басшысының Жолдауын жүзеге асыруға атсалысуы» деп аталады

ПАВЛОДАР. Қыркүйектің 28-і. ҚазАқпарат /Николай Кузнецов/ - Павлодар облысында баспа және электронды БАҚ журналистері арасында «Әйелдердің Мемлекет басшысының Жолдауын жүзеге асыруға атсалысуы» деген тақырыптағы ең үздік мақалаға байқау жарияланды,

деп хабарлайды Павлодар әкімінің баспасөз қызметі.

Байқаудың мақсаты - әйелдердің елдегі қоғамдық-саяси өмірге белсенді түрде араласуын насихаттау, әйел адамдардың қоғамдағы рөлін жақсы қырынан байқату. Байқау қорытындылары «Саясат пен экономикадағы әйел азамат», «Сапалы білім - елдің бәсекеге қабілеттілігіне бастайтын жол», «Әйел азамат Қазақстанның дені сау ұрпағы үшін» атты аталамдар бойынша шығарылады.

Шығармашылық бәйгені ұйымдастырушылар - «Кәсіпкер әйелдер одағы» қауымдастығы, ҚР Мәдениет министрлігі, ҚР Президентінің жанындағы Әйелдер ісі мен отбасы-демографиялық саясат жөніндегі ұлттық комиссия, «Нұр Отан» ХДП.