10 рет отырып-тұрған адам метрода тегін жүретін болады

АСТАНА. ҚазАқпарат - Мексика астанасы Мехико қаласында аса қызықты шара өткізілуде.

Мұнда метро жанындағы арнайы бекетке келіп, 10 рет отырып-тұру жаттығуын орындаған адам жерасты көлігіне тегін билетті иеленеді, деп хабарлайды 24.kz epochtimes.ru-.ға сілтеме жасап. Шараның өтіп жатқанына небәрі бір апта болғанына қарамастан, оған 74 мың адам қатысып үлгеріпті. Ал жергілікті тұрғындар семіздікпен күресуге бағытталған бұл әдіске дән риза. Олардың айтуынша, бұл кезде адамдар өз денсаулығы туралы қам жей бастайды. Себебі артық салмақ диабет, жүрек, онкология, буын ауруларына апарып соқтырады.

Еске сала кетсек, сырттан тәтті, газдалған сусындар мен фаст-фуд әкелінген Мексика семіздікке шалдыққандар саны бойынша әлемде екінші орында тұр.