13 жыл бұрын жасалған кісі өлтіру ісі бойынша тергеу аяқталды

ТҮРКІСТАН. KAZINFORM – Түркістан облысы прокуратурасының сотқа дейінгі тергеп-тексеру басқармасының арнайы прокурорлары 13 жыл бұрын жасалған кісі өлтіру дерегі бойынша тергеп-тексеруді аяқтады.

Тергеу материалдарына сәйкес, 2012 жылғы 12 қазанда Сайрам ауданында алты адам жәбірленушіні ұрып-соғып, кейін оны Шымкент қаласындағы жалдамалы пәтерге алып келген.

Алты күдіктіге қатысты сотпен күзетпен ұстау түріндегі бұлтартпау шарасы санкцияланды.

Қазіргі уақытта қылмыстық іс сотқа жолданды.

– ҚР Конституциясына сәйкес ешкімнің адамды өмірінен өз бетінше айыруға құқығы жоқ. Барлығы заң мен сот алдында тең, – деп мәлімдеді Түркістан облысының прокуратурасы.

Айта кетейік, Шымкентте полиция сталкингтің екі дерегін әшкереледі.