14 жасында қаланың құрметті азаматы атанды - Талдықорған

АСТАНА. 30 мамыр. ҚазАқпарат -14 жасар жеткіншек Талдықорған қаласының құрметті азаматы атанды,

деп хабарлайды BNews.kz қалалық әкімшілікке сілтеме жасап.

«№8 Н. Островский атындағы орта мектептің оқушысы Мадияр Мамырбеков Талдықорған қаласының ең жас құрметті азаматы болып танылды. 14 жасар жеткіншек биыл көктемде Қаратал өзеніне суға кеткен Бекарыс пен Бейбарысты құтқарып қалған болатын»,-деді қалалық әкімшілік өкілдері.

Мұндай бастаманы қала әкімі Ермек Алпысов көтеріпті. Ол соңғы қоңырау салтанатында ерлік қимыл көрсеткен оқушыға наградасын табыс етті.