16 наурызда саяси реформалардың жаңа бағдарламасын жариялаймын - Президент
НҰР-СҰЛТАН. ҚазАқпарат – ҚР Президенті Қасым-Жомарт Тоқаев 16 наурызда саяси реформалардың жаңа бағдарламасын жариялайды, деп хабарлайды ҚазАқпарат тілшісі.
«Мен 16 наурызда саяси реформалардың жаңа бағдарламасын ұсынамын. Қазір партиялар арасында бәсеке күшейе түсті. Осы орайда, біз партиямыздың басты саяси күш ретіндегі рөлін сақтауымыз қажет. Бұл - өте маңызды міндет. Басқаша айтқанда, ұйым әрдайым ел мүддесін қорғайтын нағыз халықтық партия болып қалуы керек», - деді Мемлекет басшысы «Nur Otan» партиясының кезектен тыс съезінде.
Айта кетейік, онлайн форматта өтетін іс-шараға еліміздің әр өңірінен 399 делегат қатысты. Съезд күнтәртібіне сәйкес, партияның саяси кеңесінің құрамына өзгерістер енгізіліп, партияны модернизациялау мәселелері қаралды.