2 қыркүйек күні Мемлекет басшысы Қазақстан халқына Жолдауын жариялайды

АСТАНА. KAZINFORM – 2 қыркүйек күні Мемлекет басшысы Қасым-Жомарт Тоқаев Парламент палаталарының бірлескен отырысында Қазақстан халқына Жолдауын жариялайды, деп хабарлады Ақорданың баспасөз қызметі.

Жиынға Сенат пен Мәжіліс депутаттары, орталық мемлекеттік органдардың басшылары, Ұлттық құрылтай, Адам құқықтары жөніндегі комиссия, Әйелдер істері және отбасылық-демографиялық саясат жөніндегі ұлттық комиссия мүшелері, қоғам өкілдері және еңбек ұжымдары қатысады.

Президент Жолдауында еліміздің саяси және әлеуметтік-экономикалық даму перспективаларына қатысты мәселелер қамтылады.

Бұған дейін Мемлекет басшысы мұнай-газ саласының қызметкерлерін марапаттау рәсіміне қатысқанын жазған болатынбыз.