2008 жылы инфляциялық үдерістер бәсеңдеді - Ұлттық банк
АЛМАТЫ. Ақпанның 4-і. ҚазАқпарат /Ербол Азанбек/ – 2008 жылы Қазақстанда инфляциялық үдерістердің бәсеңдеуі байқалды. Бұл туралы Ұлттық банктің бүгін жариялаған қорытынды есебінде мәлім болды,
деп хабарлайды ҚазАқпарат. 2008 жылдың қорытындысы бойынша инфляция 9,5 пайыз деңгейінде қалыптасқан. Бұл 2007 жылдың тиісті көрсеткішінен (18,8 пайыз) 2 есе төмен.
Бағалар өсуінің бәсеңдеуі тұтыну тауарлары мен қызмет көрсетулердің барлық тобы бойынша байқалған. Әсіресе, азық-түлік және азық-түлікке жатпайтын тауарлар бойынша 2007 жылғы тиісінше 26,6 және 10,5 пайызбен салыстырғанда 10,8 пайыз және 5,7 пайыз болды. Ақылы қызмет көрсетулер 11,4 пайызға қымбаттады (2007 жылы ? 15,4 пайыз). Ақылы қызмет көрсету бағаларының бәсеңдеуі тұрғын үй-коммуналдық саласы қызмет көрсету тарифтерінің өсу қарқыны 2007 жылғы 18,4 пайыздан 2008 жылы 8, 9 пайызға дейін арзандаған. Ал денсаулық сақтау мекемелерінің қызмет көрсету бағалары мен тарифтері 16,1пайызға өскен. (2007 жылы ? 22,0%). Бұл ретте көлік қызметі де 14,8 пайызға қымбаттады.
