2008 жылы Қазақстанда 70 млн. тоннадан астам мұнай өндірілді

АСТАНА. Қаңтардың 21-і. ҚазАқпарат /Ернұр Ақанбай/ - 2008 жылы Қазақстанда 70 млн. тоннадан астам мұнай өндірілді,

деп хабарлайды ҚазАқпарат.«2008 жылы 70,6 млн. тонна мұнай және газ конденсаты өндірілді. Бұл 2007 жылмен салыстырғанда 5 пайызға артық», деді бүгін Энергетика және минералдық ресурстар министрлігінің 2008 жылдың қорытындысына арналған алқа мәжілісінде ведомство басшысы С. Мыңбаев. Оның айтуынша, ішкі рынокқа 12,3 млн. тонна мұнай жеткізіліп, өңделген. «Бұл ретте 6,7 млн. тонна немесе ішкі рынокқа жеткізілген көлемнің жартысынан астамы Ресейден импортталды. Павлодар мұнай өңдеу зауыты толықтай Ресей мұнайымен жұмыс істейді», деді министр.