2013 жылдың 11 айында Астанада 10 мыңға жуық жұп некелесті

АСТАНА. 28 желтоқсан. ҚазАқпарат - Елордада 2013 жылғы қаңтар-қарашада 9 924 жұп некеге отырған. Бұл туралы astana.kz сайтына қалалық Әділет департаментінен хабарлады.

«Астанада 11 айда 41 842 азаматтық хал-ахуал актісі тіркелді, бұл өткен жылдың (2012 жылы -39 369) сәйкес мерзімімен салыстырғанда 2 473-ке артық», - делінген хабарламада.

Аталған мерзімде 9 924 жұп некелессе (2012 жылы - 9 378), 3 015 жұп (2012 жылы - 2 625) ажырасқан, 2 495-і адам әкелігін анықтады, сондай-ақ бала асырап алу туралы 176 (2012 ж. - 149) өтініш берілген. 579 адам аты-жөнін, тегін өзгерткен. Сонымен қатар, туу туралы 22 179 (2012 жылы - 20 791) акті тіркелген.